Nyuma yo kugaragaza ko batishimiye kwishyuzwa amafaranga yo kureba imikino y’ikipe bihebeye biciye ku muyoboro wa YouTube, abakunzi ba Rayon Sports bumviswe n’ubuyobozi bw’iyi kipe.
Mu gukomeza kubyaza umusaruro izina ry’ikipe, Ubuyobozi bwa Rayon Sports bukomeje gushakira ikipe imishinga ibyarira inyungu ikipe hagamijwe kuyishakira aho ikura.
Imwe mu mishinga yazanywe, ni uwo kurebera imikino ya Rayon Sports ku muyoboro w’ikipe wa YouTube. Uyu muyoboro abakunzi b’ikipe bari bashyiriweho kujya bishyura amafaranga 1000 Frw ku mukino ikipe yakiriye.
Nyuma y’uko abakunzi b’ikipe bagaragaje ko iki giciro kidakwiye, Ubuyobozi bw’ikipe bwagikuyeho. Bisobanuye ko abazajya bareba imikino ya Rayon Sports kuri YouTube ya yo, nta giciro bazongera gusabwa.
UMUSEKE.RW
