Minisitiri w’Ingabo muri Mozambique yasuye ingabo z’u Rwanda n’Abapolisi bari mu butumwa bwo kugarura amahoro mu Ntara ya Cabo Delgado.
Uru rugendo rwabaye kuri iki Cyumweru tariki 05 Gashyantare, 2023 ahitwa ANCUABE, mu Ntara ya Cabo Delgado.
Minisitiri w’Ingabo wa Mozambique, Maj Gen Cristóvão Artur Chume, yari aherekejwe n’Umugaba Mukuru wungirije w’ingabo za kiriya gihugu, Lt General Beetolino CAPETINE.
Aba bayobozi bakiriwe na Brig Gen F.Mutembe, ukuriye ibikorwa by’urugamba by’abasirikare bagiye kugarura amahoro muri Mozambique.
Ingabo z’u Rwanda zaganiriye na bariya bayobozi ibijyanye n’ibikorwa bya gisirikare byatangiye tariki 21 Ukuboza, 2022.
Minisitiri w’Ingabo wa Mozambique, Maj Gen Cristóvão Artur Chume yashimye akazi kamaze gukorwa kugeza ubu.
IVOOMO: MoD Website
UMUSEKE.RW