Perezida Paul Kagame yakuyeho Minisitiri w’Ubuhinzi n’Ubworozi, ndetse n’Umuyobozi Mukuru wa RAB, ashyiraho abandi bashya.
Dr Geraldine Mukeshimana wari Minisitiri w’Ubuhinzi n’Ubworozi kuva muri Nyakanga 2014, yasimbujwe Dr Ildephonse Musafiri wari Umunyamabanga wa Leta muri iyi Minisiteri y’Ubuhinzi kuva muri Kanama, 2022.
Perezida Paul Kagame nk’uko biri mu itangazo ryahowe n’Ibiro bya Minisitiri w’Intebe, yanashyizeho Umuyobozi mushya w’Ikigo cy’Igihugu cy’Ubuhinzi (RAB), uyu akaba ari Dr Thelesphore Ndabamenye wasimbuye Dr Partick Karangwa.
Izi mpinduka mu bayoboye ubuhinzi, zibaye nyuma y’uko Perezida Paul Kagame yamaganye “umukino w’amahirwe” wakinwe n’abayobozi bakomeye bajya guhinga igihingwa kitwa Chia seeds, nyuma kikabateza ibihombo.
Mu gufungura inama y’Umushyikirano, Perezida Paul Kagame yavuze ko Leta itazigera itanga ifaranga ryayo ngo irakura mu gihombo abagiye guhinga Chia seeds bagahomba.
Kagame yakuriye inzira ku murima Abayobozi bakuru babaho “muri tombola”
UMUSEKE.RW