Mu gitondo cyo kuri uyu wa Gatanu, ikipe ya APR Women Volleyball Club, yafashe indege yerekeza mu gihugu cya Tunisia mu mikino Nyafurika ihuza amakipe yabaye aya mbere iwayo mu cyiciro cy’abagore.
Ni imikino biteganyijwe ko izatangira tariki 12 Gicurasi 2023. Izabera i Tunis mu gihugu cya Tunisia. APR WVC nk’ibitse igikombe cya shampiyona cy’umwaka ushize mu bagore, yerekeje muri iyi mikino Nyafurika.
Iyi kipe yaciye i Nairobi muri Kenya, igomba gukomereza i Doha muri Qatar, ikahava yerekeza i Tunis muri Tunisia.
Ubwo iheruka muri aya marushanwa, APR yatahanye umwanya wa Gatandatu.
UMUSEKE.RW
