Perezida Kagame akaba n’Umugaba w’Ikirenga w’Ingabo z’u Rwanda yazamuye mu ntera, Col Godfrey Gasana, Umugaba wungirije w’Ingabo z’u Rwanda zirwanira mu kirere amuha ipeti rya Brigadier General.
Gasana yari yahawe ipeti rya Colonel mu mwaka wa 2020, icyo gihe yari ashyizwe mu nshingano zijyanye n’igisirikare kirwanira mu kirere.
Uretese uku kuzamura mu ntera uyu musirikare, Perezida Paul Kagame ku wa Mbere yakoze amavugurura agaragara mu buyobozi bwo hejuru mu gisirikare.
Yagize Juvenal Marizamunda Minisitiri w’Ingabo asimbuye Major General Albert Murasira.
Lt Gen Mubarakh Muganga yagizwe Umugaba Mukuru w’Ingabo z’u Rwanda umwanya yasimbuyeho Gen Jean Bosco Kazura.
Ni mu gihe Maj Gen Vincent Nyakarundi wari Umuyobozi w’Ishami rishinzwe Ubutasi bwa Gisirikare yagizwe Umugaba Mukuru w’Ingabo zirwanira ku butaka.
ANDI MAKURU ARI MURI IYI VIDEO
TUYISHIMIRE RAYMOND / UMUSEKE.RW