Ubuyobozi bw’ikipe ya Sunrise FC iterwa inkunga n’Akarere ka Nyagatare, bwemeje ko Muhire Hassan ari we mutoza mukuru w’iyi kipe mu gihe cy’umwaka umwe.
Nyuma y’isozwa ry’umwaka w’imikino 2022/2023, ikipe ya Sunrise FC yahise itandukana na Seninga Innocent na Tugirimana Gilbert wari umwungirije.
Aba bombi bahise basimbuzwa Muhire Hassan nk’umutoza mukuru na Uwacu Jean Bosco nk’umwungiriza we.
Hassan yatoje amakipe arimo Kiyovu Sports, Rwamagana City, Rugende FC na Miroplast FC.
Uwacu we yakiniye amakipe arimo APR FC, Kiyovu Sports na Bugesera FC. Ubwo yatangiraga ibijyanye n’ubutoza, yatangiriye muri Dream Team Academy. Afite Licence C CAF.
UMUSEKE.RW
