Ubuyobozi bwasigariyeho Shema Ngoga Fabrice uherutse kwegura, bwatumije Inama y’Inteko Rusange Idasanzwe y’Abanyamuryango ba AS Kigali.
Iyi Nteko Rusange yatumijwe, izaba ku Cyumweru tariki 23 Nyakanga 2023, ibere mu cyumba cy’inama cy’Umujyi wa Kigali.
Ingingo zizaba ziri ku murongo w’ibyigwa, ni ebyiri, zirimo amatora ya Komite Nyobozi nshya n’utuntu n’utundi.
Bagize bati “Ubuyobozi bwa Association Sportive de Kigali, bwishimiye gutumira abanyamuryango ba wo mu Nteko Rusange Idasanzwe iteganyijwe ku Cyumweru tariki 23/07/2023, Saa yine. Ikazabera mu cyumba cy’Inama ku Biro by’Umujyi wa Kigali. Ibiri ku murongo w’ibizigwa ni Amatora, Utuntu n’utundi.”
Komite Nyobozi nshya y’iyi kipe, izaba ije gusimbura iya Shema Ngoga Fabrice uherutse kwegura ku nshingano zo kuyobora iyi kipe. Gusa hari andi makuru avuga ko uyu mugabo ashobora kugaruka kuyiyobora.
UMUSEKE.RW
