Myugariro w’ikipe ya APR FC, Ndayishimiye Dieudonne uzwi nka Nzotanga, akomeje kuryoherwa n’urukundo rwa Nadine bashobora kuzabana nk’umugore n’umugabo.
Si kenshi uyu musore yigeze avugwa mu rukundo, ariko ntibisobanura ko nawe adafite umubiri nk’uwabandi ku buryo yakunda uwishimiwe n’umutima we.
Amakuru yizewe UMUSEKE wamenye, ni uko Nzotanga na Nadine bamaze igihe kitari munsi y’umunsi y’umwaka bari mu munyenga w’urukundo.
Ikirenze kuri ibyo, ni uko aba bombi bajya basohokana ahagezweho mu Mujyi wa Kigali, bakajya gusangira baganira ku mubano wa bo.
Mu gihe urukundo rwa bo rwakomeza kugenda neza, bazagera ku mushinga wo kubana nk’umugore n’umugabo mu buryo bwemewe n’amategeko.
Uyu myugariro umaze imyaka ibiri muri APR FC, yayijemo avuye muri AS Muhanga iterwa inkunga n’Akarere ka Muhanga.
UMUSEKE.RW
