Imaniriho Gabriel ukorera Isango Star Radio&TV, yasezeranye mu mategeko na D. Valentine bamaze igihe bari mu munyenga w’urukundo.
Nyuma yo kwemeranywa ko biteguye kuzabana nk’umugore n’umugabo, Imaniriho na Valentine babirahiriye biciye mu Murenge.
Uyu muhango wabaye ku wa Gatanu tariki 7 Nyakanga 2023. Wari witabiriwe n’inshuti ndetse n’imiryango y’aba bombi.
Umuhango wo gusaba no gukwa, uteganyijwe kuba kuri uyu wa Gatandatu, mu gihe ubukwe buzaba tariki 23 Nzeri 2023 ari na bwo abatumiwe bazakirirwa mu Busitani bwa Uwoba & Family Wedding Hall ku Kimironko inyuma yo kwa Rwahama.
UMUSEKE.RW
