Nyuma y’umuhango wo kwerekana abakinnyi izifashisha umaze kumenyerwa nk’Umunsi w’Igikundiro cyangwa Rayon Day, ubuyobozi bw’ikipe ya Rayon Sports bwashimiye abakunzi b’iyi kipe barenga ibihumbi bitandatu bayibaye hafi muri uyu muhango.
Ni umuhango wabaye ku wa Gatandatu tariki 5 Kanama 2023 kuri Kigali Pelé Stadium guhera Saa tanu z’amanywa.
Abakunzi ba Rayon Sports bagera ku bihumbi bitandatu n’abantu 270 bagerageje kwitabira nk’uko byemezwa n’amakuru ava muri iyi kipe ikunzwe na benshi mu Rwanda.
Uyu muhango byasabaga kwishyura ibihumbi 5 Frw kugira ngo aba-Rayons babashe kuwukurikira bicaye ahadatwikiriye, ariko mu cyubahiro cy’Ikirenga [V.VIP] byasabaga kwishyura ibihumbi 100 Frw.
Nyuma yo kwishimira ubwitabire, abayobozi ba Rayon Sports babicishije ku mbuga nkoranyambaga z’ikipe, bashimiye buri wese wabashije kuza kwifatanya na bo muri ibi birori.
Amakuru UMUSEKE wamenye, avuga ko ikipe yinjije arenga miliyoni 40 Frw mu bantu ibihumbi 6 na 270 babashije kwinjira.
Weekend y'Igikundiro!!!🔵⚪️
KUHABA KWANYU, URUKUNDO MWAGARAGAJE, ISHYAKA, IMBARAGA murabishimirwa!!!#RayonSportsDay2023 💙🩶💙🩶 pic.twitter.com/geGY3E3dOp
— Rayon Sports Official (@rayon_sports) August 7, 2023
- Advertisement -
HABIMANA SADI/UMUSEKE.RW
