Ubuyobozi bw’ikipe ya Rayon Sports, bwatangaje ko bwakiriye rutahizamu mushya ukomoka muri Côte d’Ivoire.
Mbere y’uko hatangira shampiyona 2023-2024, ikipe ya Rayon Sports ikomeje gushaka ibisubizo mu gice cy’ubusatirizi.
Muri uko gushaka ibisubizo, iyi kipe y’i Nyanza yatangaje ko yakiriye Gnamien Mohaye Yvan w’imyaka 20 ukomoka muri Côte d’Ivoire.
Ni umusore wakiniye amakipe y’iwabo arimo Olympic Football Club D’Abobo n’izindi.
Uyu rutahizamu, aje yiyongera kuri Charles Baale, Joackiam Ojera, Youssef Rharb n’abandi bakina mu busatirizi.
Rayon Sports iratangira shampiyona isura Gasogi United kuri Kigali Pelé Stadium Saa moya z’ijoro zo kuri uyu wa Gatanu.
Rutahizamu w’umunya-Côte d'Ivoire Gnamien Mohaye Yvan yageze mu Rwanda. Aje gusinyira Rayon Sports!!!
Umwaka ushize w’imikino yakiniraga Stars Olympic Football Club D'Abobo yo mu cyiciro cya mbere muri Côte d'Ivoire🇨🇮 pic.twitter.com/wABbbgP7kC
— Rayon Sports Official (@rayon_sports) August 18, 2023
- Advertisement -
HABIMANA SADI/UMUSEKE.RW
