Perezida wa Repubulika Paul Kagame yashyizeho,Dr Jimy Gasore nka Minisitiri w’ibikorwaremezo asimbuye Dr Ernest Nsabimana wari uwumazeho umwaka n’amezi icyenda.
Kuwa 31 Mutarama 2022 nibwo Perezida Kagame yakoze impinduka muri Guverinoma y’u Rwanda, asimbuza Amb Gatete Claver wari Minisitiri w’Ibikorwaremezo asimburwa na Dr Ernest Nsabimana.
Ni Minisiteri yayoboye ahura n’uruhuri rw’ibibazo birimo n’ibijyanye n’Umudugudu wo kwa Dubai wari wubatswe mu buryo butujuje ubuziranenge, inzu zikaza guhirima.
Ni ikibazo cyageze kuri Perezida Kagame ndetse abaza Dr Erneste gusobanura amakosa yakozwe n’umushoramari, Nsabimana Jean bakunda kwita DUBAI, ku nzu yubatse asondetse, zikaza guhirima zitamaze kabiri.
Dr Jimy Gasore usimbuye Dr Erneste asanzwe ari umuhanga mu bya siyansi akaba n’inzobere mu bijyanye n’ubumenyi bw’ikirere(atmosphriec scientist and the Station Chief Scientist of the Rwanda Climate Observatory. Yabaye umwarimu muri kaminuza y’uRwanda koleji y’ikoranabuhanga.
Muri 2017 yahawe impamyabumenyi y’ikirenga(PhD) mu bijyanye no kumenya Isi n’imibumbe.(MIT’s Department of Earth, Atmospheric and Planetary Sciences )
- Advertisement -
TUYISHIMIRE RAYMOND/UMUSEKE.RW