Komite y’Igihugu y’Imikino y’Abafite Ubumuga, NPC, yatangaje ko Shampiyona ya Volleyball ikinwa n’Abafite Ubumuga mu byiciro byombi, Sitball, izatangira mu mpera z’iki Cyumweru.
NPC yatangaje ko ku wa Gatandatu tariki ya 7 Ukwakira 2023, ari bwo umwaka w’imikino 2023-2024 uzatangira muri Sitball mu bagabo n’abagore.
Muri uyu mwaka w’imikino, mu bagabo shampiyona izakinwa n’amakipe y’Uturere 18, ari yo: Kamonyi, Gasabo, Nyaruguru, UR-Huye, Ruhango, Nyamagabe, Gisagara, Rubavu, Nyabihu, Rutsiro, Ngororero, Karongi, Rulindo, CAVM, Musanze, Nyagatare na Kirehe.
Mu bagore shampiyona izitabirwa n’amakipe 21 arimo: Bugesera, Kicukiro, Gicumbi, Gakenke, Kirehe, UR-Huye, Muhanga, Huye, Nyanza, Nyamasheke, Nyabihu, Musanze, Burera, Kamonyi, Nyarugenge, Ruhango, UR-Nyagatare, Kayonza, Ngoma, Ngororero na Rubavu.
Biteganyijwe ko imikino izakinirwa mu Turere dutanu, turimo Nyarugenge, Gisagara, Gicumbi, Rubavu na Nyagatare.
Umwaka ushize w’imikino, ikipe ya Musanze yegukanye igikombe mu bagore, Karongi icyegukana mu bagabo.
HABIMANA SADI/UMUSEKE.RW
