Irushanwa ry’Igikombe cya Coupe du Rwanda mu mukino wa Handball, ryongeye gutaha i Kiziguro mu Cyiciro cy’Abagore, mu gihe mu bagabo ryasigaye i Kigali mu kipe ya APR Handball Club.
Irushanwa Ngarukamwaka rya Coupe du Rwanda, ryakinwe mu minsi ibiri ya tariki 25-26 Ugushyingo ku kibuga cya Kimisagara.
Mu byiciro byombi (Abagore n’abagabo), habanje gukinwa imikino yo gukuranamo haboneka izikina 1/2 n’izikina iya nyuma yabaye ku Cyumweru tariki ya 26 Ugushyingo.
Mu cyiciro cy’Abagore, ikipe ya Kiziguro Women Handball Club, ni yo yegukanye igikombe itsinze ESC Nyamagabe ibitego 36-21. Iyi kipe y’i Kiziguro yari igisubiranye kuko ni yo yari ibitse icy’umwaka ushize.
Mu cyiciro cy’Abagabo, ikipe ya APR Handball Club, ni yo yacyegukanye itsinze ES Kigoma ibitego 37-17.
Amakipe yitabiriye mu bagabo: APR HC, UR-Rukara HC, Nyakabanda HC, ES Kigoma HC, Gorillas HC na Adegi HC.
Mu bagore hitabiriye amakipe atanu arimo: Kiziguro WHC, Three Stars WHC, Gorillas WHC na ESC Nyamagabe WHC.
HABIMANA SADI/UMUSEKE.RW
