Urukiko Rwisumbuye rwa Nyarugenge rwasubitse urubanza ruregwamo Kazungu Dennis ukurikiranyweho ibyaha birimo ubwicanyi.
Urubanza rwe rwari ruteganyijwe kuri uyu wa Gatanu tariki ya 5 Mutarama 2024,rwasubitswe biturutse ku busabe bw’Ubushinjacyaha kuko yari afite imanza ebyiri basaba ko zahuzwa.
Kazungu Dennis uri gukurikiranwa mu nkiko aregwa ibyaha birimo ubwicanyi bw’abantu bagera kuri 14 yarezwe n’urundi rubanza rwo gusambanya umugore ku ngufu.
Ni urubanza rwaregewe Urukiko Rwisumbuye rwa Nyarugenge mu Ukwakira 2023, aho umwe mu bafashwe ku ngufu na Kazungu yamureze ndetse akaba anasaba indishyi muri uru rubanza.
Urukiko rwemeje ko urubanza ruzaburanishwa ku wa 12 Mutarama 2024.
Urukiko rwanzuye ko Kazungu Denis afungwa indi minsi 30 i Mageragere
UMUSEKE.RW