Umukino uruta iyindi muri shampiyona y’u Rwanda, wahuje ikipe ya Rayon Sports na APR FC, wabonetsemo amafaranga arenga miliyoni 50 Frw, Gikundiro ibika arenga miliyoni 40 Frw.
Uyu mukino wari uw’umunsi wa 24 wa shampiyona, wabaye ku wa Gatandatu tariki ya 9 Werurwe 2024 kuri Kigali Pelé Stadium. Kuwureba byasabaga byibura kuba wishyuye ibihumbi 7 Frw ku bicaye ahadatwikiriye.
Nk’uko usanzwe ari umukino uhagurutse benshi mu bakunzi b’amakipe yombi mu Rwanda, by’umwihariko abakunzi ba ruhago y’u Rwanda, no kuri iyi nshuro wari witabiriwe cyane Stade yakubise yuzuye.
Nyuma yo kwegeranya ibyavuye mu mukino, amakuru avuga ko uyu mukino winjije miliyoni 57 Frw havuyemo ibyo Ishyirahamwe rya ruhago mu Rwanda [FERWAFA] n’Umujyi wa Kigali bafashye kuri uyu mukino.
Amakuru avuga ko ikipe ya Rayon Sports yabitse angana na miliyoni 43 Frw n’ubwo amanota atatu yatashye i Shyorongi.
Ni gake umukino uhuza aya makipe yombi, ushobora kutuzuza Stade iyo ari yo yose yaba yakiniweho, cyane ko ari wo mukino munini mu rw’Imisozi 1000.
HABIMANA SADI/UMUSEKE.RW
