Impanuka y’imodoka yagonganye na Moto umumotari ahasiga ubuzima, umugenzi nawe arakomeremeka bikabije.
Iyi mpanuka y’imodoka ifite ibirango RAG 928 M, yagonganye na Moto ifite ibirango bya RH 912X, uwari uyitwaye ahasiga ubuzima, uwo yaratwaye arakomereka bikomeye.
Iyi mpanuka yabaye kuri uyu wa mbere tariki ya 20 Gicurasi 2024, mu Mudugudu wa Rwakagaju, Akagari ka Kibogora, Umurenge wa Kanjongo, Akarere ka Nyamasheke.
Ubuyobozi bw’umurenge wa Kanjongo bwahamirije UMUSEKE iby’iyi mpanuka.
Umunyamabanga nshingwabikorwa w’umurenge wa Kanjongo, Kanyogote Cyimana Juvenal yagize ati”Impanuka yabaye mu masaha ya saa munani, hapfuye motari wari utwaye moto witwa Nambajimana Jean w’imyaka 34 y’amavuko, hakomereka uwo yari atwaye witwa Irutabyose Jean de la Croix w’imyaka 23 y’amavuko“.
Uwakomeretse n’uwitabye Imana bose bajyanywe mu Bitaro bya Kibogora.
MUHIRE Donatien
UMUSEKE.RW i Nyamasheke.