Umwaka w’imikino wa 2023-2024 mu mukino w’Intoki wa Volleyball, uri kugana ku musozo ndetse mu mpera z’iki Cyumweru, hazakinwa imikino ya kamarampaka (Playoffs).
Nyuma yo kubanza gushaka amakipe umunani agomba kwishakamo izizegukana igikombe cya shampiyona y’uyu mwaka, izizakina kamarampaka, zamaze kumenyakana.
Mu mpera z’iki Cyumweru, hazakinwa imikino ya kamarampaka mu bagabo n’abagore, mu Cyiciro cya Mbere.
Mu Cyiciro cy’Abagore, APR Women Volleyball Club izakina na Ruhango Women Volleyball Club, Saa munani z’amanywa. Police Women Volleyball Club izakina na Rwanda Révenue Authority Women Volleyball Club, Saa kumi z’amanywa.
Mu Cyiciro cy’Abagabo, REG Volleyball Club izakina na APR Volleyball Club, Saa kumi n’ebyiri z’ijoro, mu gihe Police Volleyball Club izakina na Kepler Volleyball Club Saa Mbiri z’ijoro.
Imikino yose izabera muri Ecole Belge, mu nzu nshya izajya ikinirwamo imikino itandukanye y’amaboko. Kwinjira ni ibihumbi 2 Frw n’ibihumbi 5 Frw mu myanya y’icyubahiro.
![](https://umuseke.rw/wp-content/uploads/2024/05/IMG_3633.jpeg)
![](https://umuseke.rw/wp-content/uploads/2024/05/IMG_3622.jpeg)
![](https://umuseke.rw/wp-content/uploads/2024/05/IMG_3625.jpeg)
![](https://umuseke.rw/wp-content/uploads/2024/05/IMG_3626.jpeg)
![](https://umuseke.rw/wp-content/uploads/2024/05/IMG_3631.jpeg)
![](https://umuseke.rw/wp-content/uploads/2024/05/IMG_3632.jpeg)
![](https://umuseke.rw/wp-content/uploads/2024/05/IMG_3627.jpeg)
UMUSEKE.RW