Perezida wa Centrafrique , Faustin Archange Touadera, Ku wa Kabiri, tariki ya 1 6 Nyakanga 2024 yambitse imidali y’ishimwe ingabo z’u Rwanda ziri muri icyo gihugu.
Ibi birori byabereye mu Biro by’Umukuru w’Igihugu biri mu Mujyi wa Bangui.
Imidali yahawe ingabo z’u Rwanda ni iyo kubashimira ubunyamwuga n’uruhare bagira mu kugarura amahoro muri Centrafrique aho bafatanya n’ingabo zo muri iki gihugu kurinda abaturage.
Umuyobozi w’ingabo wa batayo, RWABATT12, Lt. Col Joseph GATABAZI, yashimiye Perezida wa Centrafrique , kubashyigikira ngo buzuze inshingano zabo muri iki gihugu.
Uyu yanakomoje ku bwitange bw’izi ngabo z’u Rwanda mu kurinda umutekano w’umukuru w’Igihugu cya Centrafrique .
Muri rusange ibi birori byitabiriwe n’abagize guverinoma ya Centrafrique , uhagarariye inyungu z’u Rwanda muri Centrafrique, Kayumba Olivier ndetse n’itsinda ry’Abanyarwanda baba muri iki gihugu .
UMUSEKE.RW
