Mbere yo gutangira shampiyona ya 2024-25, abayobozi b’ikipe ya Kiyovu Sports, berekanye abakinnyi barimo Sugira Ernest bazifashishwa muri uyu mwaka w’mikino 2024-25.
Umuhango kwerekana aba bakinnyi, wabaye ku wa Gatanu tariki ya 9 Kanama kuri Chez Lando Hotel iherereye i Remera. Abanyamuryango b’iyi kipe yo ku Mumena, bari bawutumiwemo.
Mu bakinnyi iyi kipe izifashisha muri uyu mwaka w’imikino, hagaragayemo Sugira Ernest ufatwa nka rutahizamu w’Abanyarwanda. Uyu musore yasinye amasezerano y’umwaka umwe.
Mu bandi bagaragajwe na Kiyovu Sports, harimo Nsanzimfura Keddy wagarutse muri iyi kipe nyuma yo kuyizamukiramo akayivamo ajya muri APR FC. Harimo kandi abakinnyi bashya babiri bakomoka muri Gabon, hakaba Hamiss Cédric watangajwe ndetse na mugenzi we, Nshimirimana Jaspin na Emmanuel Okwi watangajwe adahari.
Abakinnyi bandi berekanywe, harimo Nzeyurwanda Djihad, Mbonyingabo Regis, Twahirwa Olivier “Timbo”, Nizeyimana Djuma, Ishimwe Patrick, Guy Kazindu, Djibril, Nizigiyimana Karim, Denis, Tuyisenge Hakim, Bayo n’abandi.
Ikipe ya Kiyovu Sports izatangira shampiyona icakirana na AS Kigali tariki ya 16 Kanama 2024 kuri Kigali Péle Stadium.
UMUSEKE.RW