Polisi ya Tanzania yafunze babiri mu bahagarariye Ishyaka ry’abatavuga rumwe na leta rya Chadema, mu gihe Polisi yateguraga kuburizamo imyigaragambyo mu Murwa Mukuru wa Dar es Salaam.
Chadema yavuze kuri X (yahoze ari Twitter) ko, Freeman Mbowe, yatawe muri yombi mu gihe yiteguraga ‘Kuyobora imyigaragambyo ikozwe mu mahoro.”
Polisi kandi yahise ijya ku rugo rw’uwungirije iryo shyaka,Tindu Lissu, nawe arafungwa.
Abakurkiranira hafi Politiki ya Tanzania , bavuga ko ifatwa ry’abo bantu, ari “Ikimenyetso ko igihugu kiri gusubira ku gitugu kurenza igihe cy’ubutegetsi bwa Perezida John Magufuli.”
Kuri uyu wa Mbere , ishyaka Chadema ryari ryeteguye imyigaragambyo kugira ngo yamagane ibivugwa ko vuba haba harabaye iyicwa ku batavuga rumwe na leta.”
Polisi yo ivuga ko iyo myigaragambyo inyuranyije n’amategeko iki gihugu kigenderaho.
Amakuruvu avuga ko n’abanyamakuru baba bakurikiranye iyo myigaragambyo baba bafunzwe.
Mu gitondo cyo kuri uyu wa mbere, abapolisi bari bafunze inzira zijya kuri abo bayobozi babiri ba Chadema mu murwa Mukuru wa Dar Es Slaam.
UMUSEKE.RW
