Umuyaga mwinshi uvanze n’imvura byasakambuye ibyumba bibiri by’ishuri rya GS Kibangira ryo mu kagari ka Ryankana mu Murenge wa Bugarama,Akarere ka Rusizi.
Iki kiza kibasiye iki kigo cy’ishuri ku gicamunsi wo kuri uyu wa Kane tariki ya 24 Ukwakira 2024, ku isaha ya saa munani n’iminota mirongo ine n’itanu (14h45) .
Umuyobozi w’iri shuri , Niyimpagaritse Calixite ,yahamirije UMUSEKE ko iyi mvura yaguye iminota micye, nubwo byabaye nta wahasize ubuzima.
Hakomeretse byoroheje abanyeshuri batatu bahise bajyanwa kwitabwaho mu bitaro.
Ati” Ibyumba byasakambutse ni bibiri kimwe muri byo nicyo kigirwagamo. Abanyeshuri batatu nibo bakomeretse byoroheje kandi bari kwitabwaho n’abaganga.Turashaka ubundi buryo bwo kubona aho abanyeshuri bigira, twahise duhumuriza ababyeyi n’abanyeshuri”.
Ishuri rya Gs Kibangira ry’igamo abanyeshuri 1175.
MUHIRE Donatien
UMUSEKE.RW/RUSIZI
