Nyanza: Umubyeyi wo mu karere ka Nyanza yabyutse agiye kureba abana be, asanga umwe yapfuye undi ararembye.
Byabereye mu mudugudu wa Kabuzuru mu kagari ka Kibinja, mu murenge wa Busasamana mu karere ka Nyanza.
Amakuru UMUSEKE wamenye ni uko mu rugo rw’umubyeyi witwa MUKAGATARE Alice yabyutse mu gitondo cyo kuri uyu wa 26 Ugushyingo, 2024 asanga umwana we witwa INEZA Souvenir w’imyaka itandatu yapfuye.
Undi na we wari uryamye muri iyi nzu witwa Uwase w’imyaka 11 na we yajyanwe kwa muganga mu bitaro bya Nyanza arembye.
Umunyamabanga nshingwabikorwa w’umurenge wa Busasamana, Bizimana Egide yabwiye UMUSEKE ko inzego bireba zatangiye iperereza kuko nyina wa bariya bana avuga ko urwo rupfu, nubwo burwayi byaba byatewe n’uko yaraje imbabura yaka mu nzu barimo
Yagize ati “Dutegereje ibyo muganga yemeza ntawamenya ubwo bagezeyo, haraza kumenyekana icyabiteye.”
Theogene NSHIMIYIMANA
UMUSEKE.RW i Nyanza
