Nyuma yo kwirukana Gamondi wari umutoza mukuru, Yanga SC yahise itangaza Umudage, Sead Ramovic nk’umutoza mukuru.
Nyuma gutakaza imikino ibiri iheruka, Yanga SC, yasezereye Umutoza mukuru Angel Miguel Gamondi numwungiriza we ukomoka muri Argentine.
Iyi kipe ikunzwe na benshi muri Tanzania, iherutse gutsindwa muri Shampiyona na Azam FC 1-0, na Tabora Utd 3-1.
Yanga ntiyatinze guhita ibona igisubizo kuko nyuma y’amasaha make itangaje ko yatandukanye na Gamondi, yahise inemeza ko Sead Ramović w’imyaka 45, ari we mutoza mukuru w’iyi kipe.
Sead yatozaga TS Galaxy yo muri Afurika y’Epfo guhera mu 2021.
Muri TS Galaxy, Sead Ramović yatsinze imikino 27 muri 76 ya shampiyona. Yanganyije 22, atsindwa 27.
Uyu mutoza mushya asanze Yanga iri ku mwanya wa kabiri n’amanota 24 mu mukino 10 imaze gukinwa. Irushanwa inota rimwe na Simba SC iri ku mwanya wa mbere.
UMUSEKE.RW
