Ubuyobozi bwa Bugesera FC, bwemeje ko bwaguze umunyezamu w’ikipe y’Igihugu y’Abato n’inkuru, Habineza François wakiniraga Etoile de l’Est FC yo mu cyiciro cya Kabiri.
Mu gihe habura umunsi umwe ngo isoko ry’igura n’igurisha mu Rwanda rifunge, amakipe akomeje kwiyubaka mbere y’uko imikino yo kwishyura itangira.
Bugesera FC, iri mu zikomeje gukora ibya zo bucece. Iyi kipe iterwa inkunga n’Akarere ka Bugesera, yemeje ko yaguze umunyezamu, Habineza François wakiniraga Etoile d’Est yo mu cyiciro cya kabiri.
Uyu munyezamu wa Gatatu w’ikipe y’Igihugu, Amavubi ndetse akaba uwa mbere mu Amavubi y’Ingimbi zitarengeje imyaka 20, yasinye amasezerano y’imyaka ine.
Aje yiyongera kuri Ngendahimana Eric uherutse kujya i Bugesera ari intizanyo ya AS Kigali, na Eric Dushimimana wavuye muri La Jeunesse FC yo mu cyiciro cya Kabiri.
UMUSEKE.RW
