Umushumba wa Kiliziya Gatolika ku Isi, Papa Francis, yasabye impande zihanganye muri Repubulika iharanira Demokaarsi ya Congo guhagarika imirwano, babigirira abaturage ba Goma.
Ibi abitangaje nyuma yaho umutwe wa M23 ufashe Umujyi wa Goma,mu mirwano uyu mutwe uhanganyemo n’ingabo za leta,FARDC.
Papa Francis mu butumwa yanyujije kuri televiziyo Gatorika(KTO) aho yasabye abantu gukomeza gusabira amahoro Uburasirazuba bwa Congo.
Yasabye ko impande zihanganye zahagarika imirwano.
Ati “ Ndasaba impande zombi zirebwa n’iki kibazo guhagarika imirwano mu gufasha abaturage ba Gomano guhagarika ibikorwa byose bya gisirikare.”
Yasabye kandi kureka ibikorwa by’urugomo ku neza y’abaturage.
Ati “Ndakomeza gusabira amahoro n’umutekano kandi nsaba umuryango mpuzamahanga n’abayobozi mu kwinjira muri iki kibazo mu gushaka amahoro muri iki kibazo cy’umutekano mucye mu Burasirazuba bwa Congo.”
Ku mugoroba wo kuwa gatatu tariki ya 29 Mutarama 2025, abakuru b’ibihugu b’Umuryango wa Afurika y’Iburasirazuba baganiriye ku cyakorwa ngo umutekano mu Burasirazuba bwa Congo ugaruke, usanga leta ya Congo ugomba kuganira n’umutwe wa M23.
UMUSEKE.RW
