Mu mukino w’irushanwa riruta ayandi mu Rwanda (Super Coupe) rya 2025, ikipe ya REG WBBC yatsinze APR WBBC amanota 76-64, yegukana igikombe.
Ku wa Gatanu wa tariki 18 Mutarama 2025, ni bwo habaye imikino ibiri y’irushanwa riruta ayandi mu Rwanda (Super Coupe) muri Basketball.
Iri rushanwa ryari rikinwe ku nshuro ya mbere, ryateguwe n’Ishyirahamwe Nyarwanda rya Basketball (FERWABA), mu rwego rwo kongera amarushanwa akinwa mu Rwanda mu mukino wa Basketball.
Ibifashijwemo n’abarimo Umunezero Lamlra wagize umukino mwiza, Mu Cyiciro cy’abagore, REG WBBC yatsinze APR WBBC amanota 76-64, yegukana igikombe.
Cyari igikombe cya kabiri yegukanye muri uyu mwaka w’imikino 2024-25 nyuma y’icya shampiyona na cyo yatwaye itsinze ikipe y’Ingabo.
Lamla Umunezero wa REG WBBC, ni we watsinze amanota menshi mu mukino (20), anatanga imipira itatu yakoze andi manota ndetse anakora rebounds eshatu.
Mu Cyiciro cya basaza ba bo, APR BBC ni yo yegukanye nyuma yo gutsinda REG BBC amanota 73-53.
UMUSEKE.RW
