Rusizi: Umuryango SODECO Champion watangije ubukangurambaga bwo guhashya Covid-19

webmaster 24/09/2021 9:32

Ukeneye kwamamaza! Gusobanuza! Gutanga amakuru? Hamagara 0788772818

Umuryango udaharanira inyungu Solidarite pour le Development Communautaire (SODECO Champion ) ku nkunga ya OIM bari mu ubukangurambaga bwo kwibutsa abantu ko nubwo bakingiwe urukingo rwa mbere n’urwakabiri rwa COVID -19 ko bitaba intandaro yo kwirara ngo bareke ingamba zashyizweho n’ubuyobozi bw’igihugu mu guhashya icyo cyorezo.

*Ubu bukangurambaga buzenguruka hirya no hino basaba abantu kwirinda gukwiza no kwanduza abandi Covid-19.*

Ni ubukangurambaga buzamara amezi atatu bukorwa mu bice bitandukanye by’akarere ka Rusizi hibandwa cyane ahahurira abantu benshi ku mipaka, mu masoko n’ahandi hatandukanye.

Rubibi Danny Umunyamabanga nshingwabikorwa w’umuryango Solidarite pour le Development Communautaire (SODECO Champion) Umuryango utari uwa Leta yavuzeko bateguye ubu bukangurambaga ku nkunga ya IOM, ni nyuma yo kubona ko abaturage bambukiranya imipaka ya Rusizi 1 na Rusizi 2 yo mu karere ka Rusizi ibahuza n’igihugu cya R. D. Congo badohotse ku ngamba zo kwirinda COVID -19.

Yagize ati” Nyuma yokubona ko abambukiranya imipaka ya Rusizi 1 na Rusizi 2 badohotse ku ngamba zo kwirinda COVID -19 batacyambara udupfukamunwa neza, ntibakarabe intoki uko bikwiriye ntibanahane intera niyo mpamvu yatumye dutegura ubu bukangurambaga dutanga n’ibikoresho bifashisha birinda.”

Ubuyobozi bw’akarere ka Rusizi buvugako abaturage bamaze guhabwa doze y’urukingo rwa mbere ni 52,948 bangana na 18% n’aho abamaze guhabwa doze ya kabiri y’urukingo ni 44,945 bangana na 15%.

Muri ubu bukangurambaga bwatangijwe mu Karere ka Rusizi, abantu basabwa kutirara kuko icyorezo cya Covid-19 ntaho cyagiye kandi cyica.

Hakoresha indangururamajwi n’imodoka igenda izenguruka hirya no hino abantu bibutswa gushyira mu bikorwa ingamba zo guhashya iki cyorezo.