Kuri uyu wa Mbere tariki ya 18 Ukwakira 2021, OMS yatangaje ko abantu bashya batanu bamaze kurwara Ebola mu burasirazuba bwa RDC, mu gihe batatu bahitanwe n’iki cyorezo.
OMS ivuga ko abantu basaga 369 aribo bahuye n’abanduye n’abanduye iki cyorezo, barimo 308 bari gukurikiranwa ngo bamenye uko bahagaze kugeza magingo aya.
Ebola yaherukaga guhitana umwana ahitwa Butsili muri Kivu ya Ruguru kuwa 08 Ukwakira 2021.
OMS na Leta ya Repubulika ya demokarasi ya Congo bavuga ko hakajijwe ingamba zo guhangana n’iki cyorezo ndetse hashyirwaho n’amatsinda ari gukora cyane kugira ngo hirindwe ubwandu bushya n’impfu zaterwa na Ebola.
Ahantu hahurira abantu benshi nko ku bitaro, amashuri, ibibuga by’imipira n’ahandi hashyizweho uburyo bwo kwirinda iki cyorezo.
Hirya no hino mu Mijyi hakomeje gushyirwa ibyapa biriho ubutumwa bumenyesha abaturage ingamba zo kwirinda Ebola n’uko bakwitwara mu gihe hagize uwandura iki cyorezo.
Kuva mu kwezi kwa munani 2018, Abantu 3,481 nibo bamaze kwandura Ebola, imaze kwica 2,299, abasaga 1,162 nibo barokotse iki cyorezo nk’uko bitangazwa na OMS.
Ukeneye kwamamaza! Gusobanuza! Gutanga amakuru? Hamagara 0788772818
- Advertisement -
NDEKEZI JOHNSON / UMUSEKE.RW
