Mu kidendezi cy’amazi hasanzwe umurambo w’umwana w’umukobwa ubuyobozi buvuga ko yari yagiye ari kumwe n’abandi
Byabereye mu karere ka Nyanza mu murenge wa Busasamana mu karere ka Nyanza mu kagari ka Gahondo mu mudugudu wa Kibaga.
Abatuye muri kariya gace bahaye amakuru UMUSEKE ko umwana w’umukobwa witwa Iradukunda Christine w’imyaka irindwi y’amavuko warusanzwe ubana na sekuru aho yaguye mu kidendezi ahita apfa.
Umunyamabanga nshingwabikorwa w’umurenge wa Busasamana Egide Bizimana yabwiye UMUSEKE ko nyakwigendera yari yajyanye koga n’abandi
Yagize ati “Uriya mwana hari abo bari barikumwe bagiye koga mu kidendezi niko kitumenyesha ko apfuye natwe tumenyesha RIB.”
Ubuyobozi busaba ababyeyi gucunga abana babarinda kuba bajya ahantu hashyira ubuzima bwabo mu kaga.
Theogene NSHIMIYIMANA
UMUSEKE.RW i Nyanza
