Umukinnyi w’ikipe y’Igihugu y’u Rwanda, Amavubi, Rafael York yavuye mu mwiherero kubera imvune yagize.
Ibi byatangajwe n’Ishyirahamwe ry’Umupira w’Amaguru mu Rwanda, Ferwafa biciye ku mbuga nkoranyambaga zirimo X yahoze yitwa Twitter.
Bagize bati “Kubera imvune, Umukinnyi Rafael York yavuye mu mwiherero kugira ngo akomeze kwivuza neza ari mu rugo.”
Uyu musore wa Gefle IF yo mu Cyiciro cya Kabiri muri Suède, yahise ajya kwitabwaho n’abaganga b’ikipe ye.
York yakinnye iminota 45 mu mukino Amavubi yatsinzwemo na Bénin igitego 1-0 ku wa Kane tariki ya 6 Gicurasi 2024.
UMUSEKE.RW
