Ikipe ya Yanga SC yo muri Tanzania, yisanze mu itsinda rya Mbere ririmo amakipe akakaye mu marushanwa Nyafurika ahuza amakipe yabaye aya mbere iwayo, CAF Champions League 2024-25.
Kuri uyu wa mbere ni bwo habaye tombola y’uko amakipe ashyirwa mu matsinda mu marushanwa Nyafurika, yaba CAF Champions League na CAF Confederation Cup. Ni umuhango wabereye ku Cyicaro gikuru cy’Impuzamashyirahamwe y’Umupira w’Amaguru ku Mugabane wa Afurika, CAF, mu Misiri.
Yanga SC yo muri Tanzania, yisanze mu itsinda rya Mbere aho iri kumwe na Al MC Alger yo muri Algérie, Al Hilal yo muri Sudan na TP Mazembe yo muri Repubulika Iharanira Demokarasi ya Congo [DR Congo].
Itsinda rya Kabiri ririmo Mamelodi Sundowns yo muri Afurika y’Epfo, Raja Athlètic yo muri Maroc, AS FAR yo muri Maroc na AS Maniema yo muri Repubulika Iharanira Demokarasi ya Congo [DR Congo].
Itsinda rya Gatatu ririmo Al Ahly SC yo mu Misiri ibitse ibikombe byinshi muri iri rushanwa, CR Belouizdad yo muri Algérie, Orlando Pirates yo muri Afurika y’Epfo na Stade d’Abidjan yo muri Côte d’Ivoire.
Itsinda rya Kane ririmo ES Tunis yo muri Tunisie, Pyramids FC yo mu Misiri, Sagrada Esperança yo muri Angola na Djoliba AC de Bamako yo muri Mali.
UMUSEKE.RW
