Minisiteri y’Ubuzima muri Repubulika Iharanira Demokarasi ya Congo yavuze ko abantu bamaze kwandura icyorezo cya Ebola cyo mu bwoko bwa Bundibugyo kugeza ku wa 7 Nyakanga 2026 bageze ku 1,759 barimo 600 bishwe nacyo.
Mu itangazo iyi Minisiteri yavuze ko ku wa 7 Nyakanga gusa handuye abantu bashya 51, hapfa 20, ibyatumye abamaze kwicwa n’icyo cyorezo baba abantu 600 kuva cyagaragara rwagati muri Gicurasi 2026.
Ebola yari isanzwe iri mu Ntara za Kivu zombi ndetse n’iya Ituri. Minisiteri y’Ubuzima muri Congo yavuze ko ubu mu Mujyi wa Kisangani mu Ntara ya Tshopo habonetse umurwayi wa kabiri wa Ebola.
Inzego z’ubuzima muri Congo zikavuga ko ubu zibasha gukurikirana 80% by’aho bacyeka Ebola cyangwa abo bakeka ko bahuye n’abanduye.
Ebola iri muri Repubulika ubu ni ikibazo gihangayikishije Isi nk’uko Ishami ry’Umuryango w’Abibumbye ryita ku Buzima (OMS) ryabyemeje.
Nta muti cyangwa urukiko biremezwa ko bivura iyi virusi yo mu bwoko bwa Bundibugyo igiye kumara amezi abiri itahuwe ko iri mu bantu.
Leta zunze Ubumwe za Amerika ziherutse gutanga umuti uri mu igeragezwa ngo ube wakwifashishwa mu kuvura abarwayi.
MUGIRANEZA THIERRY/ UMUSEKE.RW
