Ubuyobozi bw’Akarere ka Rusizi butangaza ko mu myaka itanu iri imbere umujyi uzaba uteye imbere bitewe n’ibikorwa remezo bizaba biwurimo.
Butangaza ko mu rwego rwo kwagura no gutunanya imiturire mu umujyi wa Rusizi, ubu hari gutunganywa hegitari 60 za site z’imiturire, mu myaka itanu zitezweho kuzatuza ibyiciro byose by’abaurage.
Byagarutsweho n’Umuobozi w’akarere ka Rusizi, Sindayiheba Phanuel, ku wa 26 Kanama 2026 mu nama nyunguranabitekerezo ku iterambere ry’Akarere ka Rusizi.
Ati “Turimo turatunganya hafi Hegitari 60 z’amasite y’imituriremu myaka itanu iza hazaba harimo inzu z’uburyo butandukanye, izoroheje, izo hagati ndetse n’inzu ndende bizafasha kunoza imiturire.”
Sindayiheba Phanuel yavuze ko byose nk’ubuyobozi butabigeraho bwonyine ko ahubwo bizagerwaho binyuze mu bufatane bw’abafatanyabikorwa, abafite ibibanza n’abashoramari.
Ati “Mu bufatanye bw’ubuyobozi bw’akarere ndetse n’abikorera, abafite bibanza tuzabiganiraho ntidushidikanya ko bazabyemera.”
Rusizi ni umujyi wari ufite ibice byinshi bitari biteguwe neza, kuri ubu uri gutunganywa buhoro buhoro, ufite imihanda myiza, imiyoboro y’amazi, amashanyarazi, imituire igezweho no kuvugurura ahatuwe nabi.
MUHIRE Donatien
UMUSEKE.RW/RUSIZI
