Kuri uyu wa Gatandatu tariki ya 26 Kamena 2021, Minisiteri y’Ubuzima (MINISANTE) yatangaje ko mu Rwanda abantu barindwi (7) bishwe na Covid-19. Abayanduye ni 868 bituma umubare w’abamaze kwandura bose hamwe ugera ku 35,886 mu gihe nta muntu washya wakize.
Imibare igaragaza ko Abakirwaye iki cyorezo ari 8,498 na ho abarembye bakaba 28. Kugeza magingo aya abamaze kwitaba Imana mu Rwanda bazize Covid-19 bamaze kuba abantu 411.
Abahitanywe n’iki cyorezo kuri uyu wa Gatandatu barimo abagore batanu b’imyaka 106, 88, 83, 81 na 62 bo mu Karere ka Rubavu n’umwe w’imyaka 37 w’i Huye, n’umugabo w’imyaka 53 wo mu Mujyi wa Kigali.
Imibare igaragaza ko abarwayi bashya biganje mu Mujyi wa Kigali aho handuye 231, Rubavu na 75, Rwamagana 63, Kirehe 50, Rulindo 49, Nyabihu 46, Gicumbi 43, Kamonyi 36, Muhanga 34, Musanze 33, Gatsibo 32, Bugesera 28, Rutsiro 22, Burera 16, Ruhango 15, Ngororero 14, Gakenke 14, Kayonza 12, Nyamagabe 12, Nyagatare 12, Huye 11, Karongi 9, Nyaruguru 6, Nyamasheke 3 na Rusizi 2.
MINISANTE itangaza kandi ko abamaze guhabwa doze ya kabiri y’urukingo rwa Covid-19 (AstraZeneca) ari 248,544.
Guverinoma y’u Rwanda yafashe ingamba nshya zigamije guhosha umuvuduko w’ubwandu bw’iki cyorezo, aho ingendo zihuza Umujyi wa Kigali n’izindi Ntara ndetse n’izihuza Uturere zabaye zihagaritswe, n’amasaha yo kuba abandu bakiri mu ngendo zitandukanye akarangirana na saa moya z’umugoroba (19:00).
Abaturarwanda barasabwa kutirara kuko icyorezo cyakajije umurego ndetse hakomeje gufatwa ingamba nshya zigamije gukumira ikwirakwizwa ryacyo, harimo no kwirinda ingendo zitari ngombwa no kwirinda guhurira ahantu hahurira abantu benshi kandi hafunganye.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
NDEKEZI JOHNSON / UMUSEKE.RW