Tariki 19 Kamena 2021 ni bwo ikipe y’igihugu mu mukino wa Volleyball yo ku mucanga “Beach Volleyball” mu bagore n’abagabo yahagurutse mu Rwanda yerekeza mu mujyi wa Agadir muri Maroc aho yagiye kwitabira irushanwa ryo gushaka itike y’imikino Olempike izabera i Tokyo mu Buyapani tariki 23 Nyakanga kugeza 08 Kanama 2021.
Mu bagore u Rwanda rwageze muri kimwe cya kane nyuma yo gutsinda Sudan. Mu bagabo u Rwanda nyuma yo gutera forfait RDCongo rugeze muri kimwe cya kane.
Amakipe 8 mu bagabo arakina ¼ ayo ni:
Morocco/Maroc, Tunisia, Kenya, Mozambique, Ghana, Egypt/Misiri, Gambia n’u Rwanda.
Amakipe 8 mu bagore arakina ¼ ayo ni:
Misiri, Mozambique, Morocco/Maroc, u Rwanda, Gambia, Kenya, Cape Verde, na Nigeria.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
Iyi mikino iri kubera muri Maroc yitabiriwe n’ibihugu 24 mu bagabo ari byo Benin, Botswana, Congo Brazzaville, Misiri, Gambia, Ghana, Cote d’Ivoire, Kenya, Mali, Maroc, Mauritius, Mozambique, Niger, Nigeria, Rwanda, Sierra Leone, Afurika y’Epfo, Sudani y’Amajyepfo, Sudani, Tanzania, Togo, Tunisia, Zambia na Zimbabwe.
Mu bagore ho ni amakipe 17 ari yo Afurika y’Epfo, Cap Vert, Cote d’Ivoire, Misiri, Gambia, Ghana, Kenya, Maroc, Mozambique, Niger, Nigeria, RDC, Rwanda, Uganda, Sierra Leone, Sudani na Zambia.
Kubera COVID-19, imikino Olempike yagombaga kuba umwaka ushize muri 2020 yimuriwe muri 2021. Iyi mikino yo gushaka itike na yo ikaba yaragombaga kuba umwaka ushize wa 2020.
Imikino yo gushaka itike yagombaga gukinwa mu byiciro bitatu, nyuma y’imikino y’amajonjora ya mbere amakipe akaba yari yashyizwe mu matsinda kugira ngo habe icyiciro cya kabiri ndetse n’icyiciro cya gatatu ari na cyo cya nyuma.
Iyi mikino y’ijonjora yagombaga gukinirwa mu bihugu bitandukanye birimo u Rwanda, Sierra Leone, Nigeria, Uganda, Gambia, Mozambique na Tanzania.
Impuzamashyirahamwe y’umukino wa Volleyball muri Afurika “CAVB” yatangaje ko kugira ngo iyi mikino ibe hakurikizwa amabwiriza yo kwirinda COVID-19, imikino y’amajonjora y’icyiciro cya kabiri n’icya nyuma igomba kubera muri Maroc.
AMAFOTO@CAVB
UMUSEKE.RW