Imibare ya Minisiteri y’Ubuzima yo ku wa 22 Kamena 2021 itanga ishusho ry’icyorezo cya Covid-19 mu gihugu, igaragaza ko mu masaha 24 abantu abanduye ari 861, mu gihe abo icyorezo cyahitanye ari 4.
Abantu bane bapfuye ni abagore babiri b’imyaka 56 na 42 n’abagabo babiri b’imyaka 67 na 52 bo mu Mujyi wa Kigali. Abamaze guhitanwa na Covid-19 bageze kuri 392.
Umubare w’abanduye 861 banduye umunsi umwe ni wo munini cyane mu mateka ya Covid-19 mu Rwanda, barimo abo mu Mujyi wa Kigali 388, Rubavu 83, Musanze 61, Burera 50, Kamonyi 47, Rutsiro 35, Rwamagana 27, Nyanza 24, Gicumbi 23, Gakenke 23, Muhanga 16, Nyabihu 14, Rulindo 12, Nyamagabe 12, Ngororero 9, Huye 9, Kayonza 7, Karongi 7, Ruhango 5, Gatsibo 2, Rusizi 2, Ngoma 2, Kirehe 2 na Gisagara 1.
Abapimwe bagasanga banduye Covid-19 kuva igeze mu gihugu ni abantu 32,296. Abavuwe barakira ni 26,712 barimo 8 bashya, bose hamwe abakize ni 82.7%.
Ibipimo bimaze gufatwa kuva umurwayi wa mbere yatahurwaho Covid-19 mu Rwanda ni 1,564,486 birimo 7,624 byafashwe mu masaha 24 ashize.
Muri rusange abarwaye Covid-19 bari kwitabwaho n’Abaganga mu Rwanda bageze ku 5,192 barimo 10 barembye.
Uyu munsi abantu 153 bahawe doze ya mbere y’urukingo rwa COVID-19, bituma abamaze gukingirwa muri rusange bagera ku 391, 001. Ni mu gihe kandi abantu 247,402 bamaze guhabwa doze ya kabiri y’urwo rukingo (AstraZeneca), harimo 315 bayihawe uyu munsi.
Ku Isi, abamaze kwandura COVID-19 muri rusange bararenga miliyoni 179 barimo abasaga miliyoni 164 bakize ndetse na miliyoni 3.8 yahitanye.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
UMUSEKE.RW