Rwanda: Covid-19 yishe abantu 10 abanduye bashya ni 867

Minisiteri y’Ubuzima yatangaje ko Coronavirus yahitanye abantu 10 ku munsi umwe, ni wo mubare munini w’abantu bishwe n’icyorezo umunsi umwe, abanduye ni 867.

Abapfuye ni abagore bane barimo ab’imyaka 86, 81 (i Rubavu), 72 na 62 (i Burera) n’abagabo batandatu b’imyaka 89, 65, 56, 51, 46 (i Kigali) na 25 (i Rulindo). Umubare w’abamaze gupfa bishwe n’icyorezo ugeze kuri 448.

Abanduye bashya 867 batumye umubare wowe w’abamaze kwandura Covid-19 ugera ku 39,914 abakize 27 272 bari basanzwe kuko nta wakize mu masaha 24 ashize.

Umubare w’abitabwaho n’Abaganga bakirwaye ugeze ku 12 194 barimo 37 barembye.