Umutoza wa Heroes FC yanditse ibaruwa ayisezera

Ukeneye kwamamaza! Gusobanuza! Gutanga amakuru? Hamagara 0788772818

Kalimba Richard wari umutoza mukuru w’ikipe ya Heroes FC yo mu cyiciro cya Kabiri, yamaze gutandukana na yo.

Ni mu ibaruwa yandikiye ubuyobozi bw’iyi kipe, abumenyesha ko atiteguye gukomezanya na yo mu nshingano yari afite zo kuyibera umutoza mukuru.

Amakuru UMUSEKE wamenye, ni uko Kalimba yahaye Heroes FC iminsi 15 y’integuza ayimenyesha ko nyuma y’iyo minsi atazaba akiri umutoza wayo.

Muri iyi baruwa, yavuze ko gusezera muri iyi kipe byatewe n’impamvu ze bwite. Yirinze kuvuga byinshi muri iyi baruwa isezera ku kazi ke.

Gusa andi makuru yizewe avuga ko hari ibyo uyu mutoza atumvikanyeho neza na Perezida wa yo, Kanamugire Fidèle.

Kalimba yageze muri Heroes FC mu mwaka w‘imikino wa 2019-2020, ubwo iyi kipe yari ikiri mu Cyiciro cya Mbere. Yari yungirije Stefen Hanson wari weguye.

Nyuma y’ubwegure bw’uwari umutoza mukuru, Richard yahise agumana ikipe by’agateganyo, ariko aza kugirwa umutoza mukuru.

Yaciye muri Pepiniere FC nk’umutoza wari wungirije, ariko aza kuyigumana nk’umutoza mukuru mbere yo kuyivamo ajya muri Heroes FC.

REBA YouTube Channel UMUSEKE TV video nziza nk’iyi. UKORA LIKE SHARE na COMMENT

UMUSEKE.RW