Ukeneye kwamamaza! Gusobanuza! Gutanga amakuru? Hamagara 0788772818
Amashuri abanza, ayisumbuye n’ay’imyuga n’ubumenyingiro azatangira umwaka w’amashuri wa 2021-2022 tariki ya 11 Ukwakira 2021, naho ibizamini bisoza amashuri abanza n’ayisumbuye bizakorwa mu kwezi kwa Nyakanga 2022.
Ibi byatangajwe mu ngengabihe yasohowe na Minisiteri y’Uburezi kuri uyu wa Kane tariki 2 Nzeri 2021, aho hashyizwe hanze gahunda y’uko amasomo azatangwa n’igihe ibizamini bya Leta bizakorerwa mu mwaka w’amashuri wa 2021-2022.
Nk’uko iyi ngengabihe ibigaragaza, igihembwe cya mbere cy’umwaka w’amashuri kizatangira tariki ya 11 Ukwakira 2021 gisozwe tariki ya 24 Ukuboza uyu mwaka. Ibiruhuko by’igihembwe cya mbere bizatangira tariki ya 25 Ukuboza kugeza tariki 9 Mutarama umwaka utaha wa 2022.
Igihembwe cya kabiri biteganyijwe ko kizatangira tariki ya 10 Mutama 2022 nk’uko iyi ngengabihe ibigaragaza, kikazasozwa tariki 31 Werurwe 2022.
Gahunda y’ibiruhuko by’igihembwe cya kabiri cy’umwaka w’amashuri 2021-2022 ni kuva tariki ya 01 – 17 Mata 2022. Ku rundi ruhande, igihembwe cya Gatatu kizatangira tariki ya 18 Mata 2022 kikageza tariki ya 17 Nyakanga umwaka utaha.
Iyi ngengabihe yasohowe na Minisiteri y’Uburezi igaragaza kandi amatariki y’igihe ibizamini bya Leta by’umwaka w’amashuri wa 2021-2022 bizakorerwaho.
Ibizamini bya Leta bisoza amashuri abanza biteganyijwe gukorwa kuva tariki ya 18 – 20 Nyakanga 2022. Naho ibizamini bisoza amashuri yisumbuye n’ay’imyuga n’ubumenyi ngiro bikorwe guhera ku wa 26 Nyakanga kugeza tariki ya 05 Kanama 2022.
Iyi ngengabihe y’umwaka utaha w’amashuri 2021-2022, isohowe mu gihe abana biga mu mashuri y’inshuke n’abanza kugeza mu mwaka wa kane bakomeje amasomo yabo kugira ngo barangize gahunda y’amasomo y’igihembwe cya gatatu cy’umwaka w’amashuri 20202-2021 yadindijwe n’ingaruka z’icyorezo cya Covid-19.
- Advertisement -
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NKURUNZIZA Jean Baptiste / UMUSEKE.RW