Perezida Paul Kagame akaba n’Umugaba w’Ikirenga w’Ingabo z’u Rwanda (RDF), yazamuye mu ntera Col Patrick Karuretwa amuha ipeti rya Brigadier General ahita ahabwa n’inshingano nshya.
Nk’uko bigaragara mu itangazo rya RDF ryo kuri uyu wa Gatanu tariki 05 Ugushyingo 2021, nyuma yo kuzamurwa mu ntera, Colonel Karuretwa yahise agirwa Umuyobozi Mukuru ushinzwe imikoranire Mpuzamahanga mu Ngabo z’u Rwanda.
Karuretwa yari Umuyobozi ushinzwe ibikorwa bya Diviziyo ya Kabiri y’Ingabo ikorera mu Majyaruguru y’u Rwanda.
Kuva mu mwaka wa 2013 kugeza mu ntangiriro za 2021 yari Umunyamabanga Mukuru wihariye wa Perezida wa Repubulika, umwanya yaje gusimburwaho na Irene Zirimwabagabo.
Ukeneye kwamamaza! Gusobanuza! Gutanga amakuru? Hamagara 0788772818
NDEKEZI JOHNSON / UMUSEKE.RW