Ibiro by’Umukuru w’Igihugu wa Leta Zunze Ubumwe za Amerika, White house, byatangaje ko Perezida Biden yavuye mu kato nyuma y’iminsi itanu arwaye COVID-19.
Kuwa 21 Nyakanga 2022, nibwo byatangajwe ko yasanganywe icyorezo cya Coronavirus ndetse no ku munsi wakurikiyeho ibipimo bigaragaza ko ayifite.
Kuva icyo gihe yahise ajya mu kato, yavuyemo kuri uyu wa Gatatu tariki ya 27 Nyakanga 2022.
Doctor Kevin O’Connor ukora mu biro by’Umukuru w’Igihugu nk’umuganga we akaba yaranahoze mu gisirikare cya Amerika, yatangaje ko “ Uyu munsi Perezida Joe Bide nta COVID-19 yasangajwe kandi agiye guhita ava mu kato nyuma y’iminsi itanu.”
Gusa nubwo yavuye mu kato, Dr Kevin O’Connor yatangaje ko akomeza kwambara agapfukamunwa mu gihe cy’iminsi 10.
Biden w’imyaka 79 yafashe inkingo zombi ndetse n’urwo kwishimangira akaba yari amaze igihe yongeye kurwara COVID-19.
Byari bitegamyijwe kandi ko ku isaha ya saa 11h 30 zo muri Leta Zunze Ubumwe za Amerika ageza ijambo ku baturage .
IVOMO :NCBNEWS
TUYISHIMIRE RAYMOND / UMUSEKE.RW