Nyuma y’imikino y’amajonjora mu marushanwa ahuza amakipe yatwaye ibikombe iwayo ku mugabane wa Afurika [CAF Confederation Cup], amakipe 16 yageze mu matsinda yamaze kumenyekana.
Imikino ya nyuma yagombaga gutanga ikipe zindi, yabaye ku wa Gatatu tariki 9 Ugushyingo 2022. Imwe mu makipe ahagarariye Tanzania [Yanga SC], yabonye intsinzi yayihesheje kujya muri aya matsinda.
Iyi kipe ikunzwe na benshi mu gihugu cya Tanzania, yatsindiye Club Africain iwayo muri Tunisia igitego 1-0 nyuma yo kunganya umukino ubanza 0-0.
Amakipe 16 yageze mu matsinda: Al Akhdar SC [Libya], ASFAR Club [Maroc], AS Real de Bamako [Mali], ASEC Mimosa [Côte d’Ivoire], ASKO de Cara [Togo], DC Motema Pembe [DR Congo], Diable Noirs [Congo Brazzaville], FC Saint Loi Lupopo [DR Congo], Future FC [Misiri], Marumo Gallants FC [Afurika y’Epfo], Pyramids FC [Misiri], Rivers United [Nigeria], TP Mazembe [DR Congo], US Monastir [Tunisia], USM Alger [Algérie] na Yanga SC [Tanzania].
Aya makipe azaba agabanyije mu matsinda ane [A,B,C,D], buri tsinda rizaba ririmo amakipe ane.
Hazakorwa tombola y’uko amatsinda agabanyijemo amatsinda, azaba ateye hagendewe ku buryo ikipe zakurikiranye mu majonjora.
UMUSEKE.RW