Abasirikare bafite amapeti atandukanye basoje imyitozo y’urugamba idasanzwe bamazemo igihe mu kigo cya Nasho.
Iyi myitozo yari imaze amezi 10 iba, aho abasirikare bahawe amasomo yitwa Basic Special Operation Forces Course.
Urubuga rw’ingabo z’igihugu ruvuga ko abasirikare bashya bagaragaje ubuhanga butandukanye mu bijyanye n’ibikorwa bya gisirikare.
Amasomo yabo yasojwe n’Umugaba Mukuru w’ingabo, Gen Jean Bosco Kazura akaba yifurije ibyiza abasirikare bashya binjiye muri RDF, ndetse n’abasanzwe, abashimira intambwe bateye, ubushake n’ikinyabupfura byabaranze muri iyi myitozo
Yasabye abasirikare gukoresha ubumenyi bahawe mu kurinda ubusugire bw’igihugu, n’abaturage bacyo.
Mu gusoza iyi myitozo, hatanzwe ibihembo ku basirikare bagiye bitwara neza kurusha abanda.
Sous-Lieutenant Emmanuel Kanyamugenge ni we wahize abanda muri byose, uwakabiri aba Sous-Lieutenant Emmanuel Kwizera Nkangura.
UMUSEKE.RW