Mu mpera z’iki Cyumweru ku kibuga cya Kimisagara, hazakinirwa irushanwa ry’umukino wa Volleyball ryo Kwibuka Intwari z’u Rwanda “National Heroes Volleyball Tournament 2023.”
Ni irushanwa rizahuza amakipe ane yaje imbere mu bagabo n’abagore muri uyu mwaka w’imikino 2022/2023.
Biteganyijwe ko iri rushanwa rizakinwa mu minsi ibiri, ku wa Gatandatu tariki 28 Mutarama 2023 hazakinwa imikino ya ½, ku Cyumweru tariki 29 Mutarama 2023 hazakinwe imikino ya nyuma n’iy’umwanya wa Gatatu.
Imikino yose biteganyijwe ko izakinirwa ku kibuga cya Kimisagara, ahasorejwe shampiyona mu mpera z’icyumweru gishize.
Amakipe azitabira mu bagabo: REG VC, Gisagara VC, APR VC na Forefront. Mu bagore ni: APR WVC, Forefront, RRA WVC na Ruhango WVC.
Imikino izakinwa mu bagore ku wa Gatandatu tariki 28 Mutarama 2023:
11h: APR vs Ruhango
13h: Forefront vs RRA
Imikino izakinwa mu bagabo ku wa Gatandatu tariki 28 Mutarama 2023:
- Advertisement -
15h: REG vs Forefront
17h: Gisagara vs APR
Ishyirahamwe Nyarwanda ry’Umukino wa Volleyball, FRVB, ryabwiye amakipe ko abakinnyi bemerewe gukina ari abasanzwe bakina shampiyona kandi bafite ibyangombwa.
Amakipe yamenyeshejwe ko, nta yemerewe kongeramo umukinnyi uteri ku rutonde rw’abakoreshejwe muri shampiyona cyeretse umukinnyi uri mu kipe itaraje muri ane ya mbere.
UMUSEKE.RW