Rutahizamu w’ikipe y’Igihugu y’u Rwanda, Amavubi, na UD Songo yo muri Mozambique, yatangiye kwibikaho ibikombe mu gihe gito ahamaze.
Mu kwezi gushize ni bwo uyu rutahizamu yafashe urugendo rumwerekeza mu gihugu cya Mozambique, nyuma yo kubengukwa na UD Songo yo mu cyiciro cya mbere muri iki gihugu.
Mu gihe ataranahamara ukwezi kuzuye, Biramahire Abeddy afatanyije n’ikipe ye, begukanye igikombe cy’igihugu nyuma yo gutsinda Ferroviario de Nampula ku mukino wa nyuma.
Abeddy wakinnye iminoya 90 yose y’umukino, yatumye ikipe ye yegukana iki gikombe cyitwa Bonanza Cup gifatwa nk’icy’Igihugu.
Uyu rutahizamu uri mu bakwiye kutarenzwa ingohe na Carlos Alós Ferrer , yakiniye amakipe arimo Police FC, AS Kigali na Mukura, Buildcon yo muri Zambia, CS Sfaxien yo muri Tunisie na Al-Suwaiq Club aherukamo yo muri Oman.
UMUSEKE.RW
