Polisi muri Uganda yatangaje ko yafashe umupolisi witwa Wabwire Ivan wishe arashe Umuhinde wari umuyobozi w’ikigo cy’imari cyitwa TFS Financial amashusho agafatwa na camera.
Uyu mupolisi ku wa Gatanu ku mwanywa y’ihangu yinjiye mu nzu ikoreramo ikigo cy’imari, arasa ku mukozi wacyo aramuhusha, ahita anarasa urufaya umuhinde witwa Uttam Bhandari ahita apfa.
Byabereye ku muhanda wo ku Nteko ishinga Amategeko ya Uganda ahazwi nka Rajja Chambers i Kampala.
Uganda: Umupolisi yarashe urufaya Umuhinde uyobora ikigo cy’imari
Wabwire ufite inomero imuranga mu gipolisi 67029, yahise ahunga. Umutwe wa Polisi ishinzwe guhiga abanyabyaha muri Uganda, yafatanyije na Polisi y’ahitwa Busia gushakisha uriya mugizi wa nabi.
Ku wa Gatandu tariki 13 Gicurasi, 23, nibwo ibikorwa byo kumuhiga byatangiye, kuri iki Cyumweru tariki 14 Gicurasi, 23 mu masaha ya saa moya za mu gitondo (07h00 a.m) nibwo Wabwire Ivan yatawe muri yombi.
Wabwire Ivan w’imyaka 30 asanzwe akorera Polisi y’i Kampala, yabaye afungiwe kuri Polisi ya Busia nyuma arajyanwa i Kampala.
UMUSEKE.RW