Ubwo hasozwaga shampiyona y’Abafite Ubumuga bwo kutumva no kutavuga, Centre des Jeunes Sourds-Muets de Butare yihariye ibihembo mu byiciro bitatu byakinwe.
Ku wa Gatatu tariki 14 Kamena 2023, ni bwo hashojwe imikino ya nyuma ya shampiyona y’Abafite Ubumuga bwo Kutumva no Kutavuga ya 2023 ihuza abakinnyi baba mu bigo by’amashuri abanza n’ayisumbuye.
Umukino w’umupira w’amaguru, wabereye ku kibuga cya Tapis rouge giherereye i Nyamirambo. Ikipe ya Centre des Jeunes Sourds-Muets de Butare, yegukanye igikombe itsinze ibitego 2-0 Institut Fillipo Smardone Nyamirambo.
Muri Basketball, Institut Fillipo Smaldone
Nyamirambo yatsinze Centre des Jeunes Sourds-Muets de Butare amanota 29-5. Muri Volleyball, igikombe cyatwawe na Centre des Jeunes Sourds-Muets de Butare itsinze Institut Fillipo Smaldone Nyamirambo amaseti 2-0.
Iyi mikino yitabiriwe n’inzego zitandukanye zirimo abayobozi bw’Ishyirahamwe Nyarwanda ry’Imikino y’Abafite Ubumuga.
Imikino y’amaboko yo (Basketball na Volleyball), yabereye mu bigo byigamo aba bana ndetse binatuma bihera ijisho iyi mikino.
UMUSEKE.RW