Mu gihe habura imikino ine ngo hasozwe umunsi wa Mbere w’irushanwa ry’Agaciro Pre-season tournament 2023, abataha izamu baribonye kenshi.
Guhera ku wa Gatanu tariki 16 Kamena 2023 ku kibuga cya Mumena hari kubera irushanwa ryiswe ‘Agaciro Pre-season tournament ‘ rizwiho gufasha abakinnyi basoje shampiyona.
Iri rushanwa ritegurwa na Munyeshyaka Makini, ryitabiriwe n’amakipe 16 agabanyije mu matsinda ane.
Mu mikino ine imaze gukinwa, harumbutse ibitego kuko hamaze kwinjira ibitego 15.
Imikino imaze gukinwa:
Golden Generation 3-2 Shamiru FC
Gatoto FC 4-1 We Never Know
Football DNA 3-0 Santos FC
Pogba Foundation 1-1 Kicukiro FC
- Advertisement -
Imikino izasoza umunsi wa mbere, iteganyijwe kuzakinwa ku wa Mbere tariki 19 na 20 Kamena 2023. Hasigaye imikino ine ngo hasozwe iy’umunsi wa Mbere w’iri rushanwa.
Iri rushanwa riri gukinwa ku nshuro ya ryo ya Kabiri nyuma y’uko ryatangiye umwaka ushize rikegukanwa na Golden Generation. Rizwiho kandi kumurika abakinnyi kuko hari ababonye amakipe kandi barigaragariyemo.
UMUSEKE.RW
