Ubuyobozi bw’ikipe ya Kiyovu Sports, bwatangaje ko iyi kipe yamaze gutandukana na myugariro wo ku ruhande rw’iburyo, Serumogo Ally wari kapiteni wungirije.
Nyuma yo kubura igikombe cya shampiyona cy’umwaka ushize w’imikino 2022/2013, Ubuyobozi bw’iyi kipe yo ku Mumena, bwakoze impinduka mu kipe ariko zatanguye benshi.
Zimwe mu mpinduka bakoze, zirimo kurekura abari abatoza bose uretse uw’abanyezamu wenyine kugeza ubu bitarangazwa ni ba azakomezanya n’ikipe.
Undi washimiwe mukanya kashize, ni Serumogo wagiriye ibihe byiza muri iyi kipe n’ubwo ayisohotsemo nta gikombe ayihaye yaba icya shampiyona cyangwa cy’Amahoro.
Uyu myugariro ariyongera kuri Bigirimana Abedi, Nshimirimana Ismaël Pichu, Ndayishimiye Thierry, Bizimana Amissi Coutinho, Erisa Ssekisambu, Mugenzi Bienvenu n’abatoza barimo Mateso Jean de Dieu, Alain-André Landeut n’uwari ushinzwe kongerera imbaraga abakinnyi.
Abandi bakinnyi bavugwa bashobora kutazakomezanya n’Urucaca, harimo Kimenyi Yves, Nkinzingabo Fiston, Benedata Janvier, Nzeyurwanda, Iradukunda Bertrand n’abandi.
UMUSEKE.RW